एमालेले धम्भ दखाउन थाल्यो भने काँग्रेससंग मिलेर सरकार बनाउन्छु : प्रचण्ड

  मूलधार सम्वादाता  448 पटक हेरिएको

काठमाडाैं-  नेकपा माओवादी केन्द्रका अध्यक्ष पुष्पकमल दाहाल प्रचण्डले जितको दम्भ नदेखाउन एमाले नेताहरुलाई सचेत गराएका छन् । जितमा दम्भ शोभनिय नहुने उनको भनाई छ ।

आइतबार आज बिहान अध्यक्ष निवास खुमलटारमा टोल सुधार समितिको कार्यक्रममा बोल्दै अध्यक्ष प्रचण्डले शुशासनका निम्ति सबै दलहरु एकतावद्ध हुन आवश्यक रहेको बताए । उनले कांग्रेसलाई साथमै लिएर अघि बढ्ने स्पष्ट पारे ।

वाम गठबन्धनलार्इ दिएको बहुमतको उच्च कदर हुने भन्दै प्रचण्डले छिमेकी भारत र चीनसँग सन्तुलित सम्बन्ध कायम गरिने बताए ।

अर्को प्रसङ्गमा अध्यक्ष दाहालले भने “वाम गठबन्धनको पक्षमा करिब दुई तिहाइ मत प्राप्त भएको छ । त्यो मतलाई हामी देश विकास र समृद्धिमा लगाउन प्रयत्नशील छौँ । जनताले पनि हामीबाट ठूलो अपेक्षा गरेका छन् । जनताको उक्त अपेक्षालाई हामी पूरा गर्छौं । कार्यान्वयनमा लैजान्छौँ ।”

उनले राजनीतिक स्थायित्व कायम गरेर देशलाई आर्थिक समृद्धिको दिशामा लैजान आफूहरु क्रियाशील रहेको बताउँदै अब सुशासन र विकासको युग शुरु भएको छ भन्नुभयो । “आर्थिक समृद्धि, सुशासन तथा जनताको पक्षमा काम गर्ने जिम्मेवारी वाम गठबन्धनको काँधमा आएको छ”, उनले भने ।

नेपाली जनताले वाम गठबन्धनलाई दुई तिहाइ मत दिए पनि प्रतिपक्षमा रहेका दललाई समेत समेटेर लैजानेतर्फ आफू क्रियाशील रहेको उनको भनाइ छ ।

तपाईको प्रतिक्रिया

सम्बन्धित समाचार