राष्ट्र बैंकले गर्यो सामाजिक संजालबाट हुने कारोबारलाइ कडाई

  मूलधारपोष्ट  226 पटक हेरिएको

काठमाडाैं । नेपाल राष्ट्र बैंकले सामाजिक संजालबाट हुने कारोबारलाइ कडाई गरेको छ । यससंगै सामाजिक संजालमा डलरले बुस्ट गर्दा कारबाही हुने भएको छ ।

राष्ट्र बैंकले फेसबुक, ट्वीटर, युट्युब जस्ता समाजिक संजाल र इन्टरनेटको माध्यमबाट विदेशमा भुक्तानी लैजाने र ल्याउने कार्य गैर कानुनी भएकोले त्यस्ता कार्य नगर्न निर्देशन दिएको हो । विदेशी विनिमय व्यवस्था विभागका कार्यकारी निर्देशक बम बहादुर मिश्रद्धारा राष्ट्र बैंकले शुक्रबार एक सुचना जारि गर्दै यस्ता कार्यले विदेशी विनीमय अपचलन भएकोले अनौपचारीक माध्यमबाट यस्तो कारोबार भएको पाईएमा विदेशी विनीमय ऐन २०१९ र प्रचलीत कानुन बमोजिा कारवाहि हुने जनाएको छ ।

यद्यपी बैंकिङ च्यानलबाट हुने कारोबार भने सञ्चालन गर्न पाइने राष्ट्र बैंकले स्पष्ट पारेको छ । बैंकिङ च्यानलबाट हुने कारोबार कानुनी दायरमा हुने भन्दै बैंकिङ माधयमबाट हुने कारोबारलाई कुनै प्रभाव नपर्ने नेपाल राष्ट्र बैंक विदेशि विनीमय ब्यवस्थापन विभागले जनाएको छ ।

यससँगै फेसबुक बुस्ट लगायतका विदेशी मुद्रमा हुने अनलाइनमा आधारीत विजनेशहरु भने प्रभावित हुने भएको छ । राष्ट्र बैंकको निर्देशन संगै युट्युब तथा फेसबुकबाट आउने र जाने सम्पूर्ण मुद्रा पनि बैंकिङ च्यानलबाट मात्रै ल्याउनुपर्ने भएको छ ।

तपाईको प्रतिक्रिया

सम्बन्धित समाचार