धुर्मुसले भेटे दुइ महिनापछि छोरीलाइ

  मूलधार पोष्ट  691 पटक हेरिएको

चितवन । चितवनमा निर्माण हुँदै गरेको नेपालको पहिलो अन्तराष्ट्रिय स्थरको रङ्गशालामा अहिले सिताराम कट्टेल ‘धुर्मुस’ दिनरात व्यस्त रहेका छन् । धुर्मुस यत्ति सम्म व्यस्त छन् कि करिब २ महिना देखि चितवन मै छन् भने आफ्नो छोरीसंग भेट्न पनि पाएका थिएनन् । आज भने धुर्मुसले छोरीलाई रङ्गशालामा भेटेका छन् र खुशी साटेका छन् ।

सिताराम कट्टेल र कुन्जना घिमिरेको एकमात्र छोरी सुबिहानी कट्टेल आज चितवन पुगेकी छिन् र बुवा सिताराम कट्टेलसंग भेट गरेकी छिन् । २ महिना देखि चितवन मै रहेका धुर्मुसले छोरीलाई भेट्ना साथ अंगालोमा हालेर खेल्न थाले । ४ वर्षकि सुबिहानी भने काठमाडौमा भर्खर स्कूल जान थालेकी छिन र आमा कुन्जना घिमिरेसंग बस्दै आईरहेकी थिईन । कुन्जना भने हप्ता दिनमा चितवन जाने आउने गरिरहेकी हुन्छिन् । धुर्मुस भने बन्दै गरेको रङ्गशालाको अभियान छोडेर कत्तै हिंडेका छैनन् ।

धुर्मुसले छोरी मात्र नभएर आफुले निर्माण गरेको चलचित्रको गित रिलिजको कार्यक्रममा समेत जान सकेनन् । चितवनमा सहयोग गर्नेको भिंडले गर्दा र कामको सुरुवाती दिन भएकाले आफै दिनरात खटिरहेका छन् । घर परिवार देखि टाढा रहेर देश र जनताका लागि काम गरिरहेका धुर्मुसले आज छोरीलाई भेट्दा एकछिन भुलिएका थिए । छोरीसंग खेल्दै खाना खाएर थकाई मेटेका थिए धुर्मुसले ।

यो पनि -दशरथ रंगशालामा जडान गरिएको भिआइपी प्यारापिटको छानोबाट पानी चुहिन थालेको छ। प्यारापिटमा जडान गरिएको फ्याब्रिकबाट पानी चुहिन थालेपछि भिआइपीतर्फका कुर्सी र बिछ्याएको कार्पेट भिजेका छन्। फ्याब्रिक गासिएको स्थानबाट पानी चुहिने समस्या देखिएको छ भने फ्याब्रिकबाट पानीको निकास भएको छैन। जसका कारण जम्मा भएको पानी फेरि भिआइपी प्यारापिटमै झरेको छ।

राष्ट्रिय खेलकुद परिषदले दशरथ रंगशालामा गत महिना फ्याब्रिकको प्यारापिट जडान गरेको थियो। चीनबाट खरिद गरिएको प्यारापिटका लागि साढे चार करोड खर्च भएको छ। यो रकम भ्याट बाहेकको हो। प्यारापिट आउन ढिलाइ भएपछि खेलकुद परिषद्ले एयर कार्गोमा ५२ लाख रुपैयाँ खर्च गरेर ल्याएको थियो। जसका कारण ढुवानीमा पाँच गुणा बढी खर्च भएको थियो।

गत महिना आयोजना भएको १३औं दक्षिण एसियाली खेलकुद (साग) को उद्घाटन र समापनका लागि खेलकुद परिषद्ले अन्तिम समयमा प्यारापिट गरेको थियो। ‘फ्याब्रिक राम्रोसँग नतन्किएका कारण जोर्नीबाट पानी चुहिने समस्या देखिएको छ, पानीको निकास पनि व्यवस्थित हुन सकेको छैन’ राष्ट्रिय खेलकुद परिषद्का प्रमुख इन्जिनियर अरुण उपाध्यायले भने,’सागका लागि हतारमा काम गर्नु परेकाले समस्या देखिएको हो।’

पाँच करोड खर्च भएको प्यारापिट चुहिन थालेपछि राष्ट्रिय खेलकुद परिषदले प्यारापिटको डिजाइन परिवर्तन गर्ने भएको छ। ‘छानो बढाउन र पानीको निकासका लागि हामी फेरि अर्को डिजाइन गर्दैछौं,’ उपाध्यायले भने। ३ हजार दर्शक क्षमताको भिआइपी प्यारापिटको ‘सिमेन्टेड’ छानो २०७२ वैशाख १२ को विनाशकारी भूकम्पका कारण क्षतिग्रस्त बनेको थियो।

त्यसपछि सिमेन्टेड छानोको सट्टामा खेलकुद परिषद्ले फ्याब्रिक प्रणाली प्रयोग गर्दै अत्याधुनिक प्रविधि भनेर दाबी गरेको थियो। तर यो प्रणाली राम्रोसँग जडान नहुँदा पानी चुहिने समस्या देखिएको छ। सेतोपाटीबाट ।

तपाईको प्रतिक्रिया

सम्बन्धित समाचार