एमालेको यस्तो निर्णयले बामगठबन्धन एक नहुने सम्भावना बढ्यो, यस्तो छ भित्री बहस

  पत्रपत्रिकाबाट  441 पटक हेरिएको

काठमाडाैं- |नेकपा एमाले र नेकपा माओवादी केन्द्र विच एकतापछि बन्ने कम्युनिष्ट पार्टीको अध्यक्षमा को बन्ने भन्ने विषयमा नेकपा एमाले भित्र ठुलै विवाद सुरु भएको छ ।

एमाले अध्यक्ष केपी शर्मा ओली निकट नेताहरु तत्काल माओवादी केन्द्रका अध्यक्ष प्रचण्डलाई अध्यक्ष बनाउन नहुने पक्षमा उभिएका छन् भने, अर्का नेकपा उमालेका बरिष्ट नेता झलनाथ खनाल, माधव नेपाल र वामदेव गौतमको प्यानल भने पुष्प कमल दाहाल (प्रचण्ड)लाई नै अध्यक्ष मानेर एकता गर्नुपर्ने पक्षमा उभिएका छन् ।

एमाले माओवादी चुनावी तालमेलमा जानुअघि नै कार्यकारी पद विभाजन गर्नुपर्छ भन्ने सहमति दुवै दलबीच भएको थियो । तर निर्वाचनको परिणामपछि एमालेका नेतृत्वहरुले बोली फेरिरहेका छन् ।

त्यसै क्रममा हालै बसेको एमालेको स्थायी कमिटि बैठकमा ओलीले प्रचण्डलाई तत्काल अध्यक्ष मान्न नसक्ने प्रष्ट पारेका छन् । पछिल्लो राजनीतिक घटनाक्रमबारे एमाले उपाध्यक्ष वामदेव गौतमको घरमा बसेको बैठकमा शीर्ष नेतालाई बिफ्रिङ गर्दै ओलीले हाल प्रचण्डलाई अध्यक्ष मान्दा सरकार सञ्चालन र संगठन परिचालनमा बाधा पुग्न सक्ने ओलीको विश्लेषण थियो ।

ओलीले प्रचण्डलाई १ वर्षपछि भने अध्यक्ष मान्न सक्ने वातवरण सिर्जित हुने बताएका थिए । प्रचण्डलाई अध्यक्ष मान्नु परेको खण्डमा मधेसी दलसँग मिलेर सरकार बनाउन सक्ने विकल्प समेत ओलीले बैठकमा राखेका थिए ।

‘मैले हालै उपेन्द्र यादवजीसँग पनि कुरा गरेको छु, उहाँहरु संविधान संशोधनकोे ग्यारेण्टी भएको खण्डमा सरकारमा आउने वचन दिनुभएको छ, प्रचण्डलाई अध्यक्ष नै दिनुपर्ने हो भने अहिले हामी मधेसी दलसँग मिलेर सरकार बनाउँछौँ, पार्टी एकताको विषयमा संयोजन समितिमा छलफल हुँदै जान्छ ।’ बैठकमा ओलीले भनेका थिए ।

तर एमाले नेता माधव नेपालले माओवादीसँग मिलेर सरकार बनाउनुको विकल्प नभएको बताएका थिए । प्रचण्डलाई अध्यक्ष मानेर पार्टी एकता गर्दै वाम गठबन्धनको सरकार बनाउनुपर्ने नेपालको धारणा थियो । उज्यालो नेपाल ने अनलाइनमा खबर लेखेको छ ।

तपाईको प्रतिक्रिया

सम्बन्धित समाचार