लोकसेवा आयोगले २५ सय कर्मचारीको लागि विज्ञापन खोल्दै

  मूलधापोष्ट  235 पटक हेरिएको

काठमाडाैं-सरकारले भदौ अन्तिमसम्म स्वास्थ्य तर्फको लोकसेवा आयोग खुलाउने तयारी शुरु गरेको छ । स्वास्थ्य तथा जनसंख्या मन्त्रालयले स्वास्थ्य समूहका कर्मचारीको समायोजन सकिन अब २ हप्ता मात्रै बाँकी रहेकाले कति कर्मचारी आवश्यक हुन्छ भन्ने यकिन तथ्यांक पत्ता लागेपछि भदौ अन्तिम सम्ममा स्वास्थ्य समूहका लागि लोकसेवा खुलाउने जनाएको छ ।

मन्त्रालयका अनुसार स्वास्थ्य समूह अन्र्तगत अब अहेब, हेल्थ असिस्टेन्ट सहितका कर्मचारीको समायोजन सूची पनि चाँडै सार्वजनिक गरिनेछ । समायोजनको क्रममा परेको ७ हजार कर्मचारीको गुनासो सम्बोधन गर्न ढिलाई भएकाले स्वास्थ्य समूहको लोकसेवा पनि खुलाउन ढिलाई भएको मन्त्रालयले जनाएको छ ।

साथै नयाँ थपिएको २ हजार ५ सय वडाका लागि पनि २ हजार ५ सय जना कर्मचारीको लागि लोकसेवा खुलाइने छ । साथै २५ वर्षदेखि खुलाउन नसकिएको नर्सको विभिन्न पदका लागि पनि यो वर्ष लोकसेवा खुलाउने तयारी सरकारले गरेको छ । लोकसेवा आयोग खुलाउँदा अब स्थान किटान गरेरै लोक सेवा खुलाइने छ । समायोजन सूची सार्वजनिककै लागि भनेर मन्त्रालयका कर्मचारीहरु गोप्य बैठकमा थियोभनेर यो हाम्रो डक्टर न्युजले प्रकाशित गरेको छ ।

तपाईको प्रतिक्रिया

सम्बन्धित समाचार