सुरु भयो सुदूरको ढुकढुकी गाैरा पर्ब

  मूलधारपोष्ट  419 पटक हेरिएको

सुदूरपश्चिम प्रदेशको मौलिक सस्कृतीसंग जोडिएको गौरा पर्व आजबाट सुरु भएको छ। गौरा पर्व अन्तरगत आज पहिलो दिन बिरुडा पञ्चमी, घर–घरमा बिरुडा राख्ने चलन छ। घरको एक कोठामा गाईको गोबरले लिपेर तामापितलका भाँडाको बाहिरपट्टि पाँच ठाउँमा गाईको गोबर र दुबो लगाइ टीका र अक्षताले सिङ्गारेर पञ्चअन्नगहुँ, मास, गहत, गोरस र कलौ धोएर राख्ने चलर रहेको छ। ‘बिरुडाको खोजी तृतीयादेखि नै सुरु हुन्छ,’ आदर्श सेवा समाज धनगढीका अध्यक्ष तीर्थराज पाण्डेयले भने, ‘यद्यपी गौराको चहलपहल भने बिरुडा पञ्चमी आजकै दिनदेखि सुरु हुने गरेको छ।’

गौरा सुदूरपश्चिम प्रदेश क्षेत्रको महत्वपूर्ण धार्मिक एवं सांस्कृतिक पर्व हो। गौरा पर्वको पहिलो दिन गौरापर्व मनाउने समुदायका महिलाहरूले निराहार रही आ–आफ्नो घरमा तामा वा पित्तलको भाँडोमा ’बिरुडा’ अर्थात् पाँचथरीका गेडागुडी भिजाउने गर्छन्। गौरापर्वमा व्रतालु तथा श्रद्धालु महिलाहरूद्वारा गौराघरमा गई गरिने शिव र गौरीको पूजाअर्चनामा बिरुडालाई अक्षता र प्रसादका रूपमा प्रयोग गर्ने गरिन्छ। बिरुडा भिजाएको केही दिनपछि महिलाहरूले सामूहिक रूपमा धान, साउँ, तिल, अपामार्ग आदि बिरुवाका बोटबाट गौराको प्रतिमा ९मूर्ति० बनाई गौराघरमा भित्र्याउँछन्।

धार्मिक अनुष्ठान एवं पूजाआजाका साथै गौरालाई गौराघरमा भित्र्याइसकेपछि श्रद्धालु महिलाद्वारा शिव र गौरी ९गौरा०को पूजाआजा गर्ने गरिन्छ। गौरा भित्र्याइसकेपछि विसर्जन नगरिएसम्म गौराघरमा पुरुष तथा महिलाहरू छुट्टाछुट्टै रूपमा गोलबद्ध भई स्थानीय लोक भाषामा देउडा, चैत, धमारी आदि खेल खेलेर आनन्द लिन्छन्। अनुकूल तिथि हेरी विसर्जन गरिने गौरापर्वले मानिसमा धार्मिक, आस्था, आपसी सद्भाव बढाउन मद्दत र्पुयाउने मात्र नभई यस वर्षमा व्रत बसी शिव र गौरीको पूजाआजा गर्नाले सुखशान्ति प्राप्त हुने, ईष्ट र कुलदेवता प्रसन्न हुने जनविश्वास छ।

तपाईको प्रतिक्रिया

सम्बन्धित समाचार