सुत्नेसमयमा भोली जेठ अन्तिम दिन ३२ गते राशिअनुसारको भाग्यफल

  भोलीको राशिफल  890 पटक हेरिएको

भोली मिति २०७६ साल जेठ महिनाको अन्तिम दिन अर्थात ३२ गते शनिवार । अंग्रेजी पात्रोअनुसार २०१९ जुन महिनाको १५ तारिख रहेको छ । मेष– कुनै महत्त्वपूर्ण काम छ भने दिनको पूर्वाद्र्धभित्रै सिद्ध्याउनु राम्रो हुनेछ । बन्दव्यापारमा राम्रै देखिन्छ, हाँकेका र ताकेका काममा ढिलासुस्ती हुनसक्छ । सुरुमा साथीभाइको सहयोग मिल्ने देखिन्छ तर पछि आफू एक्लै खटेर काम पूरा गर्न सकिने छ । दिउँसो चन्द्रमाले आठौं भावमा प्रवेश गर्ने भएकाले मनमा विरक्तिका भावना सञ्चरण हुन सक्छन् । बृष–बिहान गरेका काममा ढिलोमात्र सफलता प्राप्त हुनेछ । बेलुकीपख मनमा हर्ष, आनन्द र प्रसन्नताको सञ्चार हुनेछ, विलासिताका भावनाहरू जागृत हुनेछन् । मावली, ससुराली वा कुनै मित्रको निम्तोमा सहभागी भइने छ । निर्णय क्षमताको प्रशंसा हुनेछ । प्रेम तथा प्रणयप्रसङ्गका लागि अनुकूल समय छ, दाम्पत्य जीवन असल हुनेछ ।

मिथुन– सुरुमा पाँचौं चन्द्रमाले ज्ञानविज्ञान, अध्यात्म र दर्शनतर्फ आकर्षण बढाउने छ । बौद्धिक र चिन्तनमूलक काममा दिन गएको पत्तो पाउनुहुन्न । छोराछोरीबाट सन्तोष प्राप्त हुनेछ । इष्टमित्रले प्रशंसा गर्नेछन् । विवाद सामञ्जस्यका लागि तपाईंको अहम् भूमिका रहने छ । आफुलाई प्रतिष्ठा प्राप्त हुनेछ र बन्धुवान्धव र साथीभाइले सहयोग पुर्याउने छन् । कर्कट– ज्ञान, बुद्धि र विवेकलाई प्रयोग गर्न सके लाभ हुनेछ । लेखन, प्रकाशन र ज्ञानगुनका क्षेत्रमा सक्रियता बढ्ने छ । बौद्धिक, साहित्यिक र सिर्जनात्मक क्षेत्रमा समययापन हुनेछ र ती काममा सफलता मिल्नेछ । समाजमा तपाईंको बुद्धिको प्रशंसा हुनेछ । आजको सोच र चिन्तनबाट फाइदा लिन सकिने छ । शत्रुहरू पराजित हुनेछन् ।

सिंह– बिहान सामाजिक र परोपकारका क्षेत्रमा खट्दा मनमा आनन्दको अनुभूति हुनेछ । दिउँसोबाट पारिवारिक र घरायसी प्रयोजनमा समय दिइने छ । खर्च बढे पनि घरायसी सुखसुविधाका सामाग्रीको जोहो हुनेछ । बन्दव्यापारमा लाभै हुनेछ । प्रेमसम्बन्धमा सुधार आउने छ । गोपनीय ढङ्गले गरिएको क्रियाकलापमा सफलता पाउनु हुनेछ । परिवारमा रमाइलो जमघट हुनेछ । कन्या – मानप्रतिष्ठा र सामाजिक मर्यादामा अभिवृद्धि हुनेछ । विशिष्ट व्यक्तिको सहयोग र सल्लाहले महत्वपूर्ण कार्य सम्पन्न हुनेछ । परोपकार र दानपुण्यका क्षेत्रमा मन जानेछ । दाजुभाइ र बन्धुबान्धवको सल्लाहले रोकिएको काम बन्न सक्छ । धार्मिक र सामाजिक काममा समय बित्नेछ । आध्यात्मिक भावनाको विकास हुनेछ । सानो प्रयासले भाग्योन्नतिको अवसर आउने छ ।

तुला– आर्थिक पक्षमा उल्लेखनीय लाभ प्राप्त हुनेछ । स्वादिष्ट व्यञ्जन प्राप्त हुने योग छ । स्वास्थ्यपक्षमा राम्रो सङ्केत छ । बोलीमा मिठास आउने छ । हर्ष र प्रसन्नताका बीचमा समय व्यतीत हुनेछ । परिवारमा मेलमिलापको वातावरण कायम हुनेछ । मित्र र सहयोगी असाध्यै सहायक सिद्ध हुनेछन् । आर्थिक लाभ प्राप्त हुनेछ । हातमा अचानक सोच्दै नसोचेको धन प्राप्त हुनसक्छ । बृश्चिक –मनमा देखिएका निराशा र खिन्नता क्रमशः हट्दै जानेछ । बिहान मिश्रित प्रभाव प्राप्त हुनेछ । दुःखसुख, आयव्यय, सफलता–असफलता उस्तैउस्तै होला । नयाँ व्यापार वा व्यवसायतर्फ मन आकर्षित हुनेछ । आफूले ताकेअनुरूप तुरुन्त काम नबने पनि अन्त्यमा सफलता प्राप्त गर्नु हुनेछ । दिन ढल्दै जाँदा निर्णय सार्थक हुनेछ । मित्रवर्गबाट सोचेजस्तो लाभ प्राप्त हुनेछ ।

धनु– बिहानको समय असल छ, दर्शन र अध्यात्मतर्फ लाग्न प्रेरणा प्राप्त हुनेछ । दिन छिप्पिदै जाँदा मनमा वैराग्य र निराशाका भावना सञ्चरण हुनसक्छन् । तर्क, वहस र वादविवादमा विजय प्राप्त हुनेछ । परोपकारका क्षेत्रमा आकर्षण बढ्ने छ । दुरदराजमा रहेका आफन्तजनसँग सम्बन्ध कायम हुनेछ । दानपुण्य वा परोपकारका क्षेत्रमा लगानीको समय छ । मकर– सरकार र राज्यपक्षबाट लाभ प्राप्त हुनेछ । रोकिएका सरकारी काम सुल्झाउने राम्रो समय छ । साथीभाइबाट सहयोग जुटाउन सकिने छ । उत्साहमा बृद्धि हुनेछ । उद्योगधन्दा र बन्दव्यापारमा फाइदा हुनेछ । आम्दानीका प्रयास सफल हुनेछन् । प्रतिस्पर्र्धीहरू परास्त हुनेछन् । सामाजिक क्षेत्रबाट प्रशंसा, सम्मान र सहयोग प्राप्त हुनेछ

कुम्भ –कर्मसिद्धिको योग भएकाले गरेको प्रयास सार्थक हुनेछ । सामाजिक कामबाट प्रशंसा पाउन सकिन्छ । वैदेशिक क्षेत्रमा काम गर्ने वा घरपरिवारबाट टाढा बस्नेका लागि राम्रो दिन छ । व्यापार गर्नेले सोचेजस्तै लाभ लिन सक्नेछन् । कर्मचारीले विवादमा रुमल्लिनु परे पनि विजय आफ्नै पक्षमा रहने छ । परोपकार वा समाजसेवा गर्दा भाग्य चम्किने समय छ । मीन –धार्मिक र सामाजिक क्षेत्रमा धनराशि खर्च गर्न मन हौसिने छ । मानसम्मान र प्रतिष्ठा प्राप्त गर्न गरिएका प्रयास सफल हुनेछन् । बिगतमा भएका कमीकमजोरी सच्याउने मौका प्राप्त हुनेछ । परोपकारी काममा खटिनु पर्ने भएकाले व्यवसायिक गतिविधिमा असर पर्न सक्छ । भाग्यभावमा रहेको चन्द्रमालाई बलियो तुल्याउन आज दिनदुःखीलाई प्रसन्न तुल्याउनु पर्दछ ।

र अन्तमा चारैतिर दीपावलीको उल्लास थियो । सबै दीपावली मनाउने भव्य तयारीमा जुटिरहेका थिए । त्यही समयमा एक मुस्लिम बालक पनि हिन्दूको यो उल्लासपूर्ण चाड मनाउन चाहन्थे । तर, उनको परिवार अत्यन्त गरिब थियो । जसले गर्दा उनलाई आफ्नो बालसुलभ रहर पूरा गर्न कठिन थियो । उनी आफ्नो पढाइ खर्च जुटाउनै पनि पत्रपत्रिका बेच्ने गर्थे । आफ्नो पढाइ खर्च कटाएर बचेको पैसा उनी गरिब बुबाआमालाई दिने गर्थे । त्यसैले, उनीसित खासै पैसा हुँदैनथ्यो ।

बुबाआमाबाट पाउन सक्ने अवस्था पनि थिएन । उनी बाबुआमासित पैसा मागेर उनीहरूलाई दुःखी बनाउन पनि चाहँदैनथे । तर, त्यस दिन उनले पत्रिका बेचेर अरू दिनको भन्दा पाँच पैसा बढी कमाए । उनी त्यही पाँच पैसा लिएर रकेट पसलमा पुगे । र, पसलेलाई पाँच पैसा देखाउँदै आफूलाई एउटा रकेट दिन अनुरोध गरे । तर, पाँच पैसामा रकेट आउँदैन भनेर पसेलेले उनको कुरा सुन्नसमेत चाहेनन् । पसलेको व्यवहार देखेर बालक निराश भए । तैपनि, उनले पसलेसित भने– ठिकै छ, पाँच पैसामा रकेट आउँदैन भने मलाई यसको बिग्रेका पटाका नै दिनोस् । छक्क पर्दै पसलेले सोधे– बिग्रेका पटाका लिएर के गर्छौ ? के काम लाग्छ त्यो ? बालकले आत्मविश्वाससाथ जवाफ दिए– त्यसबाट म रकेट बनाउँछु ।

पसलेले पाँच पैसामा बिग्रेका टन्नै पटाका दिए । बालक पनि खुसी हुँदै पटाकाको पोको बोकेर घरतिर लागे । उनले दिनभर परिश्रम गरेर एउटा शक्तिशाली रकेट बनाए । साँझको दीपावलीमा उनको गाउँको मुस्लिम टोलबाट गगनभेदी रकेट तिनै बालकका आँगनबाट मात्र उड्यो । उनको रकेटले पार गरेको दूरी देख्नेजति सबै छक्क परेका थिए । तिनै बालक पछि गएर भारतमा ‘मिसाइल म्यान’का रूपमा चर्चित भए । पछि तिनै बालक भारतका राष्ट्रपति पनि बन्न सफल भए । ती बालकको नाम थियो– एपिजे अब्दुल कलाम ।

तपाईको प्रतिक्रिया

सम्बन्धित समाचार