निर्वाचन आयोगलाइ एमालेको यस्तो छ चेतावनी ! के गर्ला अव निर्वाचन आयोग (विज्ञेप्ती सहित)

  मूलधार सम्वादाता  437 पटक हेरिएको

काठमाडाैं-  नेकपा एमालेले निर्वाचन आयोगको ‘इलेक्सन क्विज’ कार्यक्रमप्रति आपत्ति जनाएको छ ।

केन्द्रीय निर्वाचन परिचालन कमिटीका प्रवक्ता विष्णु रिमालले आइतबार एक विज्ञप्ति जारी गरी मतदाता शिक्षा अन्तर्गतको ‘इलेक्सन क्विज’ कार्यक्रमले कांग्रेस उम्मेदवारको प्रचार गरेको ठहर गर्दै आपत्ति जनाएको छ ।

एमालेले यसमा आफ्नो धारणा स्पष्ट पार्न निर्वाचन आयोगलाई चेतावनी समेत दिएको छ । साथै यस विषयमा आयोग बसेमा वा निर्णयको ढिलाईलाई संस्थागत धाँधलीको प्रक्रियामा निर्वाचन आयोग संलग्न रहेको निष्कर्षमा पुग्न आफूहरु बाध्य हुने चेतावनी समेत एमालेले दिएको छ ।

यस्तो छ एमालेको विज्ञप्तिः

प्रेस नोट

निर्वाचन आयोगद्वारा विभिन्न १० टिभी स्टेशनबाट प्रसारित गर्ने गरी सञ्चालित मतदाता शिक्षा अन्तर्गतको ‘इलेक्सन क्विज’ कार्यक्रमप्रति हाम्रो पार्टीको गम्भीर ध्यानाकर्षण भएको छ । अभिनेता राजेश हमालद्वारा प्रस्तुत गरिएको उक्त क्विजमा निर्वाचन आयोगले नेपाली कांगे्रसका उम्मेदवारको प्रचार गर्ने नियतसहित ‘तीन २ उमेद्वार कहाँबाट उठेका छन्’ भन्ने प्रश्न राखिएको छ ।

हाम्रो पार्टी सत्ताधारी दलको खास उम्मेदवारलाई निर्वाचन आयोगको उम्मेदवारको रुपमा प्रस्तुत गरिएकोमा आपत्ति जनाउँदै निष्पक्ष भनिएको निर्वाचन आयोगले कुन–कुन उम्मेदवारको पक्षमा प्रचार अभियान सञ्चालन गर्न खाजेको हो, स्पष्ट पार्न आग्रह गर्दछ । यदि त्यो प्रचार सामग्री निर्वाचन आयोगको जानकारी बेगर भएको हो र मतदाता शिक्षाको जिम्मा लिने आयुक्तको निजी निर्णयमा भएको हो भने आयोगलाई सार्वजनिक रुपमा क्षमायाचना गर्न र निज आयुक्तलाई तत्काल कारवाहीको लागि माग गर्दछ ।

यस विषयमा हुने आयोगको मौनता वा निर्णयको ढिलाईलाई संस्थागत धाँधलीको प्रक्रियामा निर्वाचन आयोग संलग्न रहेको निष्कर्षमा पुग्न हाम्रो पार्टी बाध्य हुनेसमेत स्पष्ट पार्दछ ।

विष्णु रिमाल
प्रवक्ता

तपाईको प्रतिक्रिया

सम्बन्धित समाचार